https://orientaldaily.on.cc/cnt/news/20200325/00176_077.html

名字讀音相似 撈亂方國珊

到底潘國山係咪經常被人認錯咗做方國珊呢？潘國山就矢口否認，仲話一個係男、一個係女，見到真人就好難會搞得錯。不過佢都有講到，間唔中都有啲街坊會撈亂咗二人嘅姓氏，被人嗌錯名嘅情況都唔算罕見。佢仲話除咗姓氏，亦有唔少人誤以為，佢個名嘅「山」字，同方國珊嘅「珊」字讀音一樣就等如同一種寫法添！佢仲話有幾次方國珊喺電視上發表言論過後，有街坊誤會咗說話係由佢講咁話。而方國珊八年前競逐新界東議席時，亦有街坊專程走去佢嘅辦事處表達支持！